“Qarabağ” sabiq hücumçusu Juninyo Olavionu geri qaytara bilər.

Bu barədə “Moonbh” məlumat yayıb.

“Flamenqo”da çıxış edən forvard və klubu ilə danışıqlar başlayıb. Juninyo Ağdam klubuna qayıtmağa isti yanaşır.

Öz növbəsində Braziliya klubu da əsas heyətə düşə bilməyən 28 yaşlı futbolçudan qurtulmaq istəyir.

Lakin “qırmızı-qaralar” onu bir şərtlə buraxmağa hazırdırlar. “Qarabağ” onu tam olaraq transfer etməlidir. İcarə variantı müzakirə edilmir.

Bu ilin yanvarında Juninyonu 5 milyon avroya heyətinə qatan “Flamenqo” həmin məbləği Ağdam klubundan geri istəyir və heç bir güzəşt etmək fikrində deyil. Azərbaycan çempionu isə braziliyalı futbolçuya görə 2 dəfə az məbləğ təklif edir.

“Qarabağ”ın başqa bir variantı isə Olavionu 1 illik icarəyə götürməkdir. Hazırda tərəflər arasında aktiv danışıqlar davam edir. Bu məsələ yeni iş həftəsinin ilk günlərində həll oluna bilər.

Çünki təmsilçimiz Çempionlar Liqası üçün iştirak ərizəsini UEFA-ya təqdim etməlidir. Buna görə də Ağdam klubu vaxt baxımından narahatlıq yaşayır.

Juninyo “Flamenqo”nun heyətində 25 matçda cəmi 3 qol vurub.  (sportinfo.az)