Author: Vüsal Rafiqoğlu

“Azərbaycan Respublikasının işğaldan azad edilmiş ərazilərinə Böyük Qayıdışa dair 1-ci Dövlət Proqramı”nın icrası ilə bağlı möhkəm hüquqi baza yaradılıb, qanunvericilikdə müvafiq dəyişikliklər edilərək Qarabağda və Şərqi Zəngəzurda işləyən və məskunlaşan şəxslər üçün yeni müavinət növü təsis edilib, məzuniyyət, vergi, sosial sığorta güzəştləri və imtiyazları müəyyən olunub. Bunu Milli Məclisin Əmək və sosial siyasət, İnsan hüquqları və Hüquq siyasəti və dövlət quruculuğu komitələrinin birgə iclasında komitə sədri Musa Quliyev deyib. O bildirib ki, bu gün müzakirəyə çıxarılan Mənzil Məcəlləyə, “Qaçqınların və məcburi köçkünlərin statusu haqqında” və “Məcburi köçkünlərin və onlara bərabər…

Bu il mayın 1-nə Azərbaycan banklarının depozit portfeli 41 milyard 337,5 milyon manat olub. Azərbaycan Mərkəzi Bankının (AMB) məlumatına görə, bu, aylıq müqayisədə 0,8 %, ilin əvvəli ilə müqayisədə 0,9 %, ötən il mayın 1-nə nisbətən isə 0,2 % azdır. Depozit portfelinin 47,4 %-i, yaxud 19 milyard 608,2 milyon manatı qeyri-maliyyə təşkilatlarının payına düşüb. Bu, illik müqayisədə 15,6 % azdır. İl ərzində ev təsərrüfatlarının əmanətləri 18,8 % artaraq 17 milyard 641,9 milyon manata, maliyyə təşkilatlarının depozitləri isə 22 % artaraq 4 milyard 87,4 milyon manata çatıb. Hesabat dövründə cəmi depozitlərin…

Ekspert: Zəruri ehtiyac yoxdursa, səfərlər və açıq havada planlaşdırılan fəaliyyətlər təxirə salınmalıdır İqlim dəyişikliklərinin təsiri nəticəsində son illərdə dünyanın müxtəlif bölgələrində ekstremal hava hadisələrinin sayı və intensivliyi artmaqdadır. Güclü küləklər, leysan yağışlar, qasırğalar, daşqınlar və digər təbiət hadisələri artıq təkcə müəyyən coğrafi ərazilər üçün xarakterik hesab edilmir. Bu cür hava şəraiti insanların gündəlik həyatına, iqtisadi fəaliyyətə, nəqliyyat sisteminə və şəhər infrastrukturuna birbaşa təsir göstərən amillərdən birinə çevrilib. Azərbaycan da bu proseslərdən kənarda deyil. Müxtəlif dövrlərdə ölkə ərazisində müşahidə olunan güclü küləklər nəqliyyatın hərəkətində çətinliklər yaradıb, ağacların qırılmasına, dam örtüklərinin qopmasına,…

TƏBİB-də iki yeni təyinat həyata keçirilib. TƏBİB-in icraçı direktoru Anar Bayramov bununla bağlı müvafiq əmr imzalayıb. Əmrə əsasən, Elvin Bayramov İnzibati idarəetmə departamentinin rəhbəri vəzifəsinə təyin edilib. Digər əmrə əsasən isə Leyla Qurbanova İctimaiyyətlə əlaqələr və kommunikasiya departamentinin Daxili kommunikasiya şöbəsinin müdiri vəzifəsinə gətirilib.//Bakupost.az

Əhmədbəyli–Füzuli–Şuşa avtomobil yolu ödənişli yol kimi artıq istifadədədir. Musavat.com xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb. Bildirilib ki, qanunvericiliyin tələblərinə əsasən, dövlət standartlarına cavab verən ödənişsiz alternativ yolun mövcud olduğu hallarda vətəndaşlara seçim imkanı yaradılmaqla ödənişli avtomobil yolunun istismarı mümkündür. Bu baxımdan, sözügedən marşrut üzrə Zəfər Yolu ödənişsiz alternativ yol funksiyasını yerinə yetirir. Beləliklə, hərəkət iştirakçıları öz seçimlərindən asılı olaraq həm ödənişli Əhmədbəyli–Füzuli–Şuşa avtomobil yolundan, həm də ödənişsiz alternativ marşrut olan Zəfər Yolundan istifadə edə bilərlər.