Featured posts
Azərbaycan Respublikasının müdafiə naziri general-polkovnik Zakir Həsənovun Türkiyədə işgüzar səfəri davam edir. Bu barədə Müdafiə Nazirliyi məlumat yayıb. Səfər çərçivəsində general-polkovnik Z.Həsənov Macarıstanın müdafiə naziri cənab Kristof Szalay-Bobrovnicski ilə görüşüb. Görüşdə ölkələrimiz arasında birgə hərbi əməkdaşlığın inkişaf perspektivləri və qarşılıqlı maraq doğuran digər məsələlər müzakirə edilib.
Read More“Vətən müharibəsi zamanı Qubadlıda erməni silahlı birləşmələrinin tərkibində muzdlular da döyüşürdülər”. Bunu “Report”un Qubadlı rayonuna ezam olunan əməkdaşına açıqlamasında Müdafiə Nazirliyinin Quru Qoşunlarının (komando) leytenantı Şamxal Hüseynov deyib. O söyləyib ki, İkinci Qarabağ müharibəsində döyüşlərə Cəbrayıl rayonunun Lələtəpə yüksəkliyi istiqamətindən qatılıb: “Bildiyiniz kimi, ermənilərin Füzuli və Cəbrayıl rayonlarında bir çox eşelonu var idi. Hər eşelonda da tank və piyada əleyhinə minalar yerləşdirilmişdi. Cəbrayılda “Teleqüllə” deyilən əraziyə gedən yolda düşmənin strateji mövqeləri mövcud idi. Çünki ermənilər gözəl anlayırdılar ki, bu yüksəkliyi əldən versələr, onların bütün təminat yolları və Arazboyu ərazilər nəzarətdən…
Read MoreOktyabrın 24-ü saat 22:20-dən oktyabrın 25-i saat 01:45-dək Ermənistan silahlı qüvvələrinin bölmələri Basarkeçər rayonunun İstisu, Zərkənd və Tovuzqala rayonunun Çinarlı yaşayış məntəqələri istiqamətlərində yerləşən mövqelərindən Ordumuzun Kəlbəcər rayonunun İstisu, Dəmirçidam, İstibulaq və Tovuz rayonunun Ağdam yaşayış məntəqələri istiqamətlərində yerləşən mövqelərini müxtəlif çaplı atıcı silahlardan atəşə tutub. Bu barədə Müdafiə Nazirliyi məlumat yayıb. Bildirilib ki, Azərbaycan Ordusunun bu istiqamətlərdə yerləşən bölmələri tərəfindən adekvat cavab tədbirləri görülüb.
Read MoreAzərbaycan Ordusunun bölmələri tərəfindən oktyabrın 24-ü saat 20:30-da guya Ermənistan silahlı qüvvələrinin bölmələrinə müxtəlif çaplı atıcı silahlardan atəş açılması ilə bağlı qarşı tərəfin yaydığı məlumat həqiqəti əks etdirmir, tamamilə yalandır. Bu barədə Müdafiə Nazirliyi məlumat yayıb. Nazirlik yayılan məlumatı qəti surətdə təkzib edirib.
Read MoreOktyabrın 24-ü saat 11 radələrində Azərbaycan Ordusunun hərbi qulluqçusu əsgər 1999-cu il təvəllüdlü Kazımov Mayıl Ramiq oğlu ona təhkim edilmiş avtomat silahdan açılmış atəş nəticəsində ölüb. Bu barədə Hərbi Prokurorluq məlumat yayıb. Faktla bağlı Naxçıvan MR Hərbi Prokurorluğunda araşdırma aparılır.
Read More“Gəmilərin və digər platformaların komanda idarəetmə sistemləri, döyüş idarəetmə sistemləri baxımından dünyada nadir şirkətlər arasında olan HAVELSAN-la bağlı Azərbaycan, Ukrayna, Pakistan və Qətərlə müqavilələr imzalamışıq”. Bunu Türkiyənin HAVELSAN şirkətinin İdarə Heyətinin sədri Hacı Əli Mantar həyata keçirilən layihələrlə bağlı danışarkən bildirib. O, HAVELSAN-ın sürücüsüz zirehli maşınlar mövzusunda bacarıqlarını “Barkan”la sübut etdiyini qeyd edib. H.Ə.Mantarın sözlərinə görə, sürücüsüz maşınlar 5-6 ay əvvəl meydana çıxmağına baxmayaraq, Türkiyə Silahlı Qüvvələrində istifadə olunur və artıq xaricə satış üçün danışıqlar aparılır. O, “Barkan”a namizəd ölkələr arasında Azərbaycanın olduğunu vurğulayıb. Mənbə: “Anadolu” Agentliyi
Read MoreAzərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə əməliyyatları barədə həftəlik məlumat açıqlayıb. ANAMA-dan bildirilib ki, oktyabrın 17-dən 22-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda 61 piyada əleyhinə mina, 28 tank əleyhinə mina və 367 partlamamış Hərbi Sursat (PHS) aşkarlanıb. Bildirilib ki, 381 hektar ərazi mina və PHS-lərdən təmizlənib.
Read MoreAzərbaycan Respublikasının müdafiə naziri general-polkovnik Zakir Həsənov oktyabrın 24-də Türkiyə Respublikasına işgüzar səfərə gedib. Bu barədə Azərbaycanın Müdafiə Nazirliyi məlumat yayıb. Bildirilib ki, səfər çərçivəsində müdafiə nazirinin ikitərəfli hərbi əməkdaşlıq və regional təhlükəsizlik məsələlərinə dair görüşləri, eləcə də qardaş ölkədə keçiriləcək “Saha Expo” sərgisində iştirakı planlaşdırılır.
Read MoreTərtərdə minaya düşən rayon sakininin xəstəxanada müalicəsi davam etdirilir. DİN-in Mətbuat Xidmətinin Bərdə regional qrupundan verilən məlumata, bu gün saat 17 radələrində Tərtər rayonun Çaylı kəndi ərazisində rayon sakini Samir Əlizadə minaya düşərək müxtəlif dərəcəli bədən xəsarətləri alıb. O, polis əməkdaşları tərəfindən dərhal xəstəxanaya yerləşdirilib. Faktla bağlı araşdırma aparılır. 18:14 Tərtərdə bir nəfər minaya düşüb. Bu barədə Tərtər rayon prokurorluğu məlumat yayıb. Bildirilib ki, oktyabrın 23-ü saat 17 radələrində Tərtər rayonunun Çaylı adlanan ərazisində bir nəfər şəxsin minaya düşməsi ilə bağlı rayon prokurorluğuna məlumat daxil olub. İlkin araşdırmalarla həmin ərazidə olarkən…
Read More
