Türkiyədə yüzlərlə polisin intiqam andı qalmaqal yaratdı – VİDEO
Türkiyədə sosial şəbəkələrdə “Polis Akademiyasında intiqam andı” başlığı ilə video yayılıb.
ARANTV.AZ-ın “Qafqazinfo”ya istinadən məlumatına görə, görüntülərdə yüzlərlə polisin şəhid və qazilərin intiqamını alacağı ilə bağlı andı eşidilir.
Polis Akademiyası müzakirələrə səbəb olan video ilə bağlı açıqlama yayıb.
Açıqlamada görüntülərin 2017-ci ilə aid olduğu qeyd olunub: “29 dekabr 2019-cu il tarixində yeni hadisə kimi sosial şəbəkələrdə yayılan video ilk dəfə 24 mart 2017-ci ildə paylaşılıb. Sözügedən görüntülərin həmin ilin martında bir polis məktəbində çəkildiyi müəyyənləşdirilib. Faktla bağlı lazımi tədbirlər görülüb”.
