Buradasınız
Kriminal 

Gəncədə 1 manata görə adam öldürən şəxs HAKİM QARŞISINDA

Vüsal Rafiqoğlu
Gəncədə tanınmış idmançının oğlunu pul üstündə qətlə yetirməkdə təqsirli bilinən Emil Məmmədovun cinayət işi üzrə ibtidai istintaq başa çatıb.

ARANTV.AZ  xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Dadaş İmanovun icraatına verilib.

Məhkəmə hazırlıq iclası yaxın günlərdə keçiriləcək.

Qeyd edək ki,  hadisə ötən il  Gəncədə yerləşən “Miraj” çay evinin qarşısında baş verib. 1 manat üstündə yaranmış mübahisə nəticəsində 1995-ci il təvəllüdlü şəxs Elnur Alıyev  bıçaqla qətlə yetirilib.

Davanın digər iştirakçısı 1983-cü il təvəllüdlü Məmmədov Emil Elxan oğlu isə ağır yaralanıb. Xəstəxanaya yerləşdirilən yaralının həyatını xilas etmək mümkün olub.

Bildirilib ki, pul üstündə mübahisə edən şəxslər bir-birinə bıçaq xəsarətləri yetiriblər.

Onu da qeyd edək ki, qətlə yetirilən E. Alıyev Gəncədə kikboksinq üzrə tanınmış məşqçi İlqar Alıyevin oğludur.


Ölkə.Az

Daha çox xəbərlər