Norveçdə ölkəyə daxil olan hər kəs karantinə alınacaq
Norveç hökuməti digər ölkələrdən qayıdan bütün şəxslərin iki həftəlik karantinə alınması barədə qərar qəbul edib.
ARANTV.AZ Trend-ə istinadən xəbər verir ki, bu qərar martın 17-dən qüvvəyə minəcək.
Daha əvvəl karantin İsveç və Finlandiyadan qayıdanlara şamil olunmurdu.
Karantin qaydalarını pozan şəxslər cərimələnə və ya 6 ay müddətinədək həbs oluna bilər.
Bu günədək Norveçdə koronavirusa yoluxanların sayı 1077 nəfərə çatıb. Üç nəfər həyatını itirib.
