Kürdəmir rayon İcra Hakimiyyətinin işçiləri də nəcib təşəbbüsə qoşulublar
Kürdəmir Rayon İcra Hakimiyyətinin əməkdaşları Prezident İlham Əliyevin müvafiq Fərmanı ilə yaradılan Koronavirusla Mübarizəyə Dəstək Fonduna bir aylıq vəzifə maaşlarını ianə ediblər. İanə olunan məbləğ 22,9 min manat olub.
Rayon icra hakimiyyətindən bu barədə AZƏRTAC-ın bölgə müxbirinə bildirilib ki, koronavirus (COVİD-19) infeksiyasının ölkəmizdə yayılmasının qarşısının alınması məqsədilə Prezident İlham Əliyevin tapşırıqları əsasında hökümətin həyata keçirdiyi tədbirləri yüksək qiymətləndirir və bu istiqamətdə üzərlərinə düşən vəzifələrin yerinə yetirilməsində əllərindən gələni əsirgəmirlər.
