Multikulturalizm Mərkəzi yardım aksiyası keçirib
Bakı Beynəlxalq Multikulturalizm Mərkəzinin (BBMM) kollektivi koronavirusla mübarizə çərçivəsində Prezident İlham Əliyevin çağırışına dəstək olaraq Azərbaycanda fəaliyyət göstərən etnik icmaların yaşlı üzvlərinə maddi yardım aksiyası keçirib. BBMM-dən AZƏRTAC-a bildirilib ki, martın 26-da əməkdaşlar tərəfindən etnik qrupların yaşlı nümayəndələrinə onların yaşadıqları mənzillərdə Mərkəzin maliyyə vəsaiti hesabına gündəlik istehlak vasitələri olan qida məhsullarından ibarət bağlamalar təqdim edilib.
