Moskvada yoldan keçənləri güllələyən şəxs ələ keçdi – VİDEO
Moskvada evin pəncərəsindən atəş açan kişi xüsusi əməliyyatla saxlanılıb.
Bu barədə Lenta.ru hüquq-mühafizə orqanlarındakı mənbəyə istinadla məlumat yayıb.
Əməliyyat zamanı atəş açan şəxs və Rusiya Milli Qvardiyasının bir əməkdaşı yaralanıb.
Şübhəli təcili yardım maşını ilə hadisə yerindən aparılıb.
Xatırladaq ki, iyunun 7-də, yerli vaxtla saat 22:00 radələrində Moskvanın cənub-qərbində naməlum şəxs silahdan atəş açıb. Yoldan keçən iki nəfər yaralanıb.
Şahidlərin sözlərinə görə, evin həyətində atışma ən azı 20 dəqiqə davam edib.
Baş verənlərlə əlaqədar cinayət işi açılıb.
