Güclü yağışlar 33 nəfərin ölümünə səbəb oldu
Cənubi Koreyada aramsız güclü yağışlar onlarla insanın ölümünə səbəb olub.
ARANTV.AZ Trend-ə istinadən bildirir ki, güclü yağışlar nəticəsində 33 nəfər həlak olub, 8 nəfər xəsarət alıb, 9 nəfər isə itkin düşmüş sayılır.
Məlumata əsasən, güclü yağışlar səbəbindən 7 mindən artıq insan təxliyə edilib, 6 minə yaxın yaşayış evinə, istixanalara, 2,5 min heyvandarlıq təsərrüfatına və anbarlara zərər dəyib.
Bildirilir ki, ölkə üzrə 27 min hektardan artıq kənd təsərrüfatı təyinatlı torpaq sahələri su altında qalıb.
