BMT 73-cü ildönümünü qeyd edir
ARANTV.AZ xəbər verir ki, 24 oktyabr – Birləşmiş Millətlər Təşkilatı Günüdür. Bu il təşkilat 73-cü ildönümünü qeyd edir. Birləşmiş Millətlər Təşkilatının Nizamnaməsi 1945-ci il iyunun 26-da San-Fransisko konfransında imzalanıb və elə həmin il oktyabrın 24-də qüvvəyə minib. Azərbaycan BMT-nin fəal üzvlərindən biri kimi bu təşkilatın fəaliyyətində özünəməxsus yeri ilə seçilir. Ölkəmiz 1992-ci ildə bu təşkilata üzv olub. 2011-ci ilin məhz bu günündə isə Azərbaycan BMT Təhlükəsizlik Şurasına seçkilərdə bu mötəbər təşkilatın üzvü seçilib. 155 ölkə Azərbaycanın namizədliyini dəstəkləyərək, etimad göstərərək ölkəmizi bu mötəbər təşkilata üzv seçib.
