Bərdədə yol qəzası — Yaralananlar var
Bərdə rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.
ARANTV.AZ xəbər verir ki, hadisə Soğanverdilər kəndində qeydə alınıb.
“VAZ-2107” markalı minik avtomobilinin digər avtomobillə toqquşması nəticəsində avtomobilin sürücüsü və sərnişinləri – 1986-cı il təvəllüdlü Abbasov Nemət Şakir oğlu, 1994-cü il təvəllüdlü Məmmədov Asif Rizvan oğlu, 1993-cü il təvəllüdlü Fərhadlı Loğman Cabir oğlu xəsarət alıblar. Yaralılar təcili tibbi yardım avtomobili ilə Bərdə rayon Mərkəzi Xəstəxanasına çatdırılıblar.
Onların vəziyyəti orta ağır qiymətləndirilir.
Faktla bağlı araşdırma aparılır.
report
