Fədayə Laçının məhkəməsi təxirə salındı
Bakı Ağır Cinayətlər Məhkəməsində xüsusi təyinatlı vaqondan məhbusların qaçmasında təqsirləndirilən müğənni Fədayə Laçın və daha 12 nəfərin cinayət işi üzrə məhkəmə prosesi davam etdirilib.
ARANTV.AZ-ın xəbərinə görə, hakim Azad Məcidovun sədrliyi ilə keçirilən prosesdə təqsirləndirilən Bəhruz Abdullayevin vəkilinin prosesə gəlmədiyi məlum olub.
Hakim bildirib ki, vəkil gəlmədiyi üçün iclas keçirilə bilməz.
Məhkəmə prosesi dekabrın 17-dək təxirə salınıb.
oxu.az
