Əfqanıstanda posta hücum, 5 hərbçi öldü
Əfqanıstanda hərbi posta hücum olub.
ARANTV.AZ trend-ə istinadən bildirir ki, Taliban silahlıları ölkənin cənubundakı Qəndahər vilayətində postu partladıblar. Hadisə nəticəsində 5 hərbçinin öldüyü bildirilir.
Korpus komandirinin sözlərinə görə, silahlılar italyan əsgərlərini öldürməyə çalışıblar, lakin onlar hadisə yerindən heç bir xəsarət almadan qaça biliblər.
Hazırda NATO-nun tərkibində Əfqanıstanda 895 İtaliya hərbçisinin xidmət etdiyi deyilir.
