İdman sağlamlıqdır

Lakin  idmanla məşğul olanda  mütləq diqqətli olmaq lazımdır.

Hər gün məşq etməyin

Əgər həftənin 6 günü məşq edirsinizsə, 7-ci günü istirahətə ayırın. Yüngül dartınma hərəkətləri edə bilər, yaxud yoqa ilə məşğul ola bilərsiniz.

Soyuq su içməyin

İdmandan əvvəl, sonra və məşğələ zamanı su içmək vacibdir. Belə ki, idman edərkən bədənimiz su itirir. İtirdiyimiz suyun tərkibində duz və minerallar var. Bu səbəbdən də bol-bol su içməliyik. Ancaq içdiyimiz su soyuq deyil, otaq temperaturda olmalıdır.

Məşqdən əvvəl və sonra düzgün qidalanın

Əzələli olmaq və ya əzələlərinizi qüvvətləndirmək üçün düzgün qidalanmaq da vacibdir. Düzgün qidalanma deyəndə yediklərinizin miqdarını da nəzərdə tutmalısınız. Məşqdən 2 saat əvvəl bədəninizi karbohidratla təmin etməlisiniz ki, yağ itirmək üçün yetərli enerjiniz olsun. İdmandan sonra isə protein tərkibli qidalar yeməlisiniz ki, əzələləriniz qüvvətlənsin.

İdman etməzdən əvvəl isinmə hərəkəti edin

Hər dəfə idmana başlamazdan qabaq isinmə hərəkəti mütləqdir. Belə ki, bu hərəkətlərdən sonra idman hərəkətlərinizi daha rahat edəcəksiniz. Eyni zamanda, bu hərəkətlər əzələlərə qan və oksigenin getməsini tezləşdirir, bədənin istiliyini artıraraq idmana hazırlayır. İdmandan öncə 10-15 dəqiqə asta qaça və ya dinamik dartınma hərəkətləri edə bilərsiniz.

Tənbəllik etməyin

Tənbəlik etmədən məşqlərə mütləq vaxt ayırın.  10 dəqiqəlik idmanla bədəninizin qazandığı möhkəmliyi qoruyub saxlaya bilərsiniz.

Eyni hərəkətləri etməyin

Hamımızın məşq etdiyi  zaman sevdiyi hərəkətlər var. Ancaq eyni hərəkətlər müəyyən müddət sonra təsirini azaldır. Daha az yağ itkisinə, əzələlərin daha az qüvvətlənməsinə səbəb olur. Çünki insan bədəni çox «ağıllı»dır. Müəyyən vaxt keçdikdən sonra bədən eyni hərəkətlərə vərdiş edir və avtomatik vəziyyətə keçir. Buna görə də hər 2 aydan bir məşqə proqrammınızı dəyişdirin. Bu zaman etdiyiniz idmanın daha effektiv olduğunu görəcəksiniz.