Azərbaycan Turizm Bürosu daha dörd regionda nümayəndəlik açmağı planlaşdırır
ARANTV.AZ xəbər verir ki, ötən il Azərbaycan Turizm Bürosunun altı ölkədə-Rusiya, BƏƏ, Səudiyyə Ərəbistanı, Hindistan, Almaniya və Çində nümayəndəliyi fəaliyyətə başlayıb. Qurum bu il daha dörd nümayəndəliyin açılmasını planlaşdırır. Qeyd olunan bazarlar ilə daha sıx əməkdaşlıq əlaqələrinin yaradılması üçün Büro yerli turizm şirkətlərinin siyahısını tərtib edərək, şirkətlərin təklif etdiyi turizm xidmətləri, müəyyənləşdirdikləri strateji əhəmiyyətli turizm bazarları və il boyunca nümayiş etdirdikləri fəaliyyətə əsasən “Azərbaycan turizm şirkətlərinin meyarlar sorğusu”nu da tərtib edib.
