Azərbaycanda gündəlik yoluxanların sayında kəskin artım müşahidə olunur. Belə ki, martın 25-də koronavirus infeksiyasına 1429 yeni yoluxma faktı qeydə alınıb, 548 nəfər müalicə olunaraq sağalıb və evə buraxılıb. 17 nəfər isə “COVID-19″dan vəfat edib. Yoluxanların sayının artma səbəbi kimi ilk olaraq avtobuslardakı sıxlıq göstərilir. Məhz buna görə də metronun açılmasının vacibliyi ilə bağlı fikir səsləndirənlər də var. Hətta aprelin metronun 1-dən açılacağı iddia edilir. Bəs görəsən doğrdanmı aprelin 1-dən metro açıla bilər?
Bununla bağlı Sonxeber.az-a danışan deputat Müşfiq Cəfərov bildirib ki, avtobuslardakı sıxlıqlar yoluxanların sayının artmasına səbəb olur:
“Təəssüf ki, bu gün avtobuslarda olan vəziyyət heç də ürəkaçan deyil. Düşünürəm ki, bu vəziyyəti hansısa qaydada tənzimləmək lazımdır. Düzdü, bu tənzimləmə metroda çətindir. Səhər və axşam saatlarında nəqliyyatda gərginlik yaşanır. Ona görə də metroda vəziyyəti nəzarət etmək bir az çətinləşir. Avtobuslar da eyni vəziyyətdədir. Çünki metronun olmaması narahtlığa və sıxlığa səbəb olur. Təbii ki, bu sıxlıq da xəstəliyin yayılması üçün münbit şərait yaradır. Düşünürəm ki, metro ilə bağlı Operativ Qərargah vəziyyəti analiz edərək yaxın günlərdə brifinq keçirəcək. Çünki hazırki, rəqəmlər ürəkaçan deyil. Gündəlik yoluxanların və ölənlərin sayı artmaqda davam edir. Bu da təbii ki, narahatlığa səbəb olur. Əlbəttə hazır ki, artım insanlarımızı düşündürməlidir. Qaydalara mütləq şəkildə əməl edilməlidir. Çünki bir ildir ki, biz bu pandemiya ilə yaşayırıq. Tək biz deyil bütün dünya koronavirusla mübarizə aparır. Maska və sosial məsafə bizim həyat tərzimizə çevrilib. Amma təəssüf ki, bəzi insanlar hələ də qoyulan qaydalara əməl etmirlər. Düşünürəm ki, yoluxma sayı bu qədər olarkən metronun açılması risklidir. Çünki orada havalandırma fərqlidir. Ona görə də metroda koronavirusun yayılması daha sürətli ola bilər. Hesab edirəm ki, əgər metro açılsa belə mütləq şəkildə qaydalara əməl edilməlidir”.
