Türkiyə ilk dəfə NATO ölkəsinə PUA satacaq
Son iki onillik müddət ərzində Türkiyə müdafiə sənayesi sahəsində dünya liderləri sırasına çıxmağı bacarıb.
ARANTV.AZ Trend-ə istinadən bildirir ki, bunu Türkiyə prezidenti Rəcəb Tayyib Ərdoğan Polşalı həmkarı Anjey Duda ilə Ankaradakı danışıqlardan sonra keçirdiyi birgə mətbuat konfransında deyib.
Varşavanın Ankaradan Bayraktar TB2 pilotsuz uçuş aparatlarını almaq qərarını şərh edən R.T.Ərdoğan qeyd edib ki, tarixdə ilk dəfə olaraq Türkiyə NATO və Avropa İttifaqı üzvü olan bir ölkəyə PUA-lar ixrac edəcək.
Dövlət başçısı NATO-nun alyansa üzv ölkələrin hava məkanını qorumaq üçün genişləndirilmiş missiyası çərçivəsində Türkiyənin yaxın zamanda F-16 təyyarələrini Polşaya göndərəcəyini bildirib.
