Səbail rayonuda Vətən müharibəsi şəhidlərinin xatirəsi əbədiləşdirildi
ARANTV.AZ Real TV-yə istinadən bildirir ki, Səbail rayonunda 162 və 51 nömrəli tam orta məktəblərdə Vətən müharibəsində şəhid olan Ağayev Cavidan , Hüseynov İsmayıl , Tağıyev Əli , Qənbərov Bilal, Qurbanov Muradın xatirəsinin əbədiləşdirilməsi məqsədi ilə Səbail Rayon İcra Hakimiyyəti tərəfindən hazırlanan barelyeflərin açılış mərasimi keçirildi. Tədbirdə rayon icra nümayəndəliyi, millət vəkilləri, din xadimləri,şəhid ailələri, qazilər , rayon içtimaiyyəti və şagirdlər iştirak etdilər.
Açılışda çıxış edənlər vətənin qorunmasında canından keçən şəhidlərin unudulmayacağını qeyd etdilər. Şəhid ailələrinin daim dövlət qayğısı ilə əhatə olunduqlarını vurğuladılar.
Tovuz döyüşlərində iştirak edən Cavidan Ağayev Vətən müharibəsinin ilk günündən döyüşlərə atılıb. Oktyabrın 2-də Xocavənd rayonu istiqamətində şəhidlik zirvəsinə ucalıb .Döyüşlərdə göstərdiyi qəhrəmanlığa görə Cavidan Ağayev ölümündən sonra “Vətən uğrunda” və “Xocavəndin azad olunmasına görə” medalları ilə təltif olunub.
İlk günlərindən könüllü olaraq Vətən Müharibəsinə qoşulan İsmayıl Hüseynov oktyabrın 8-də Füzuli rayonu istiqamətində gedən döyüşlərdə şəhidlik zirvəsinə ucalıb. Döyüşlərdə göstərdiyi qəhrəmanlığa görə şəhadətindən sonra “Vətən uğrunda” və “Cəbrayılın azad olunmasına görə” medalları ilə təltif olunub. İsmayıl Hüseynovun bu gün həm də doğum günüdür.
Aprel döyüşlərində iştirak edən Əli Tağıyev də ilk günlərindən müharibəyə qoşulanlardandır. O, Füzuli, Cəbrayıl, Hadrutda döyüş yolu keçib. oktyabrın 13-də Xocavənd rayonu istiqamətində gedən döyüşlərdə şəhid olub. DŞəhadətindən sonra “Vətən uğrunda” və “Cəbrayılın azad olunmasına görə” medalları ilə təltif olunub.
Öz doğum günü – sentyabrın 29-da könüllü şəkildə döyüşə gedən Bilal Qənbərov Ağcəbədi, Fizuli, Cəbrayıl, Xocəvənd istiqamətlərində vuruşub. Noyabrın 4-də Şuşa şəhəri istiqamətində gedən döyüşlərdə şəhidlik zirvəsinə ucalıb .”Vətən uğrunda”, “Cəsur döyüşçü”, “Füzulinin azad olunmasına görə” və “Şuşanın azad olunmasına görə” medalları ilə təltif olunub
Murad Qurbanov da könüllülər sırasında olanlardandır. sentyabrın 20-si Vətən müharibəsinə qoşulan Murad oktyabrın 11-də Xocavənd rayonu istiqamətində gedən döyüşlərdə şəhidlik zirvəsinə ucalıb.
Qeyd edək ki, Murad Qurbanov ölümündən sonra döyüşlərdə göstərdiyi şücayətə görə göstərdiyi qəhrəmanlığa görə “Vətən uğrunda”, “Füzulinin azad olunmasına görə”, “Cəbrayılın azad olunmasına görə” və “Xocavəndin azad olunmasına görə” medalları ilə təltif olunub
