Düzgün rejim beynin qidasıdır…
Səhər yeməyindən imtina etmək
Səhər yeməyi yeməyən şəxslər aşağı qan şəkərinə sahib olurlar. Bu vəziyyət beyin üçün qeyri-kafi qida tədarük edilməsinə və sonunda beyin degenerasiyasına gətirib çıxarır.
Aşırı dərəcədə qidalanmaq
Sən demə həddindən artıq yemək yemək beyin damarlarının qalınlaşmasına səbəb olaraq zehin gücünün azalmasına gətirib çıxarır.
Siqaret çəkmək
İnsanların ən təhlükəli vərdişlərindən biri olan siqaretdən imtina etmək heç vaxt gec deyil. Çünki ağciyərlərin zədələnməsinə səbəb olan bu vərdiş, həmçinin beyinə də mənfi təsir edir. Siqaret çəkmək Alzheimer xəstəliyinə və beyin toxumalarının azalmasına səbəb ola bilər.
Şirniyyatdan istifadə
Şəkər zülalların və qidaların orqanizmə sorulmasını dayandıraraq, balanssız bəslənməyə səbəb olur və beynin inkişafına mane ola bilər.
Yuxusuzluq
Yuxusuzluq həm bədəninizə, həm də beyninizə zərərli olan amillərdən biridir. Bədən hüceyrələrinizi və toxumalarınızı bərpa etmək üçün insana 7- 8 saat arasında sağlam yuxu rejimi lazımdır. Xüsusilə də uzun bir iş qrafikindən sonra beyin hüceyrələrinizin sağlam yuxuya ehtiyacı var. Alimlər, həmçinin yuxu zamanı neyronlara zərər verə biləcək zəhərli zülalların və həyat fəaliyyətinin digər məhsulların orqanizmdən çıxarıldığını müəyyən ediblər.
Ünsiyyətin olmaması
Zehni söhbətlər beynin fəaliyyətini yaxşılaşdırır.
Passiv olmaq zərərlidir
Belə ki, müntəzəm fiziki iş zamanı orqanizmdə təbii ağrıkəsicilər hesab olunan endorfinlər ifraz olunur. Onlar bədənin gündəlik yüklənməyə tab gətirə bilməsi üçün lazımdır. Həmçinin fiziki aktivlik sayəsində beyin daha çox oksigen qəbul edir ki, bu da onun məhsuldarlığını artırır.
