Oğuzda tütünçü fermerlərlə müqavilələr bağlanılır
Oğuz rayonunda tütünçülüklə məşğul olan fermerlərlə müqavilələrin bağlanılmasına başlanılıb. İndiyədək “Azəri” Korporasiyası tərəfindən “İmmuniy” növlü tütün əkini ilə əlaqədar 7 fermerlə müqavilə bağlanılıb və hazırda proses davam etdirilir. Bağlanılan müqavilələr üzrə tütün əkiləcək sahələr hələlik 52 hektar təşkil edir.
Bu barədə AZƏRTAC-ın bölgə müxbirinə Oğuz Dövlət Aqrar İnkişaf Mərkəzinin direktor müavini Akif Adıgözəlov məlumat verib.
Xatırladaq ki, ötənilki mövsümdə oğuzlu fermerlər 220 hektar sahədən 368 ton quru tütün əldə ediblər.
