Şamaxıda qəza: sürücü yaralandı – FOTO
Şamaxıda yol-nəqliyyat hadisəsi baş verib.
ARANTV.AZ-ın məlumatına görə,hadisə bu gün 11 radələrində şəhərin avtovağzal dairəsində qeydə alınıb.
Bakı istiqamətində olan yük avtomobili dairədə hərəkətdə olan minik avtomobili ilə toqquşub.Qəza nəticəsində minik avtomobilinin sürücüsü 1974-cü il təvəllüdlü Şamaxı rayon Göylər kənd sakini Bayramov Səyyad Adil oğlu ağır bədən xəsarətləri alıb.
O, Şamaxı rayon Mərkəzi xəstəxanasının cərrahiyə şöbəsinə yerləşdirilib. Vəziyyəti ağır olaraq qalır.
Faktla bağlı araşdırma aparılır.
oxu.az
