İstehlak bazarında qiymətlər dəyişib
Cari ilin yanvar-noyabr aylarında istehlak qiymətləri indeksi 2021-ci ilin yanvar-noyabr aylarına nisbətən 113,8 faiz, qeyri-ərzaq məhsulları üzrə 108,3 faiz, əhaliyə göstərilmiş ödənişli xidmətlər üzrə 110,4 faiz təşkil edib.
Dövlət Statistika Komitəsindən AZƏRTAC-a bildirilib ki, cari ilin noyabr ayında istehlak qiymətləri indeksi əvvəlki aya nisbətən 101 faiz, əvvəlki ilin noyabr ayına nisbətən 115,1 faiz olub.
Bu ilin noyabr ayında əhaliyə göstərilmiş ödənişli xidmətlər üzrə istehlak qiymətləri indeksi oktyabra nisbətən 100,4 faiz, əvvəlki ilin noyabr ayına nisbətən 110,7 faiz təşkil edib.
