Xəzər dənizi sahilində böyük iməcilik keçiriləcək
Avqustun 9-da Xəzər dənizinin sahilində böyük iməcilik keçiriləcək.
ARANTV.AZ Trend-ə istinadən xəbər verir ki, bunu ekologiya və təbii sərvətlər nazirinin müavini Firdovsi Əliyev deyib.
Nazir müavini qeyd edib ki, iməcilik 12 avqust – Xəzər dənizi günü münasibətilə keçiriləcək.
F.Əliyev vurğulayıb ki, iməcilik Buzovna çimərliyində baş tutacaq. Nazirlik rəsmisi hər kəsi iməcilikdə aktiv iştirak etməyə çağırıb.
