Leyla Əliyeva Mərakeşdə Uşaq Hüquqları üzrə Milli Observatoriyanın vitse-prezidenti ilə görüşüb
Mərakeşə səfəri zamanı Heydər Əliyev Fondunun vitse-prezidenti Leyla Əliyeva Uşaq Hüquqları üzrə Milli Observatoriyanın (ONDE) vitse-prezidenti Qizlan Benjelun ilə görüşüb.
“İki sahil” xəbər verir ki, görüşdə uşaqların sosial dəstəklə əhatə olunması ilə bağlı məsələlər, Heydər Əliyev Fondunun sosial sahədə fəaliyyəti, uşaqlara qayğı üzrə həyata keçirilən layihələr müzakirə edilib.
Heydər Əliyev Fondunun nümayəndələri 2025-ci ildə Uşaq Hüquqları üzrə Milli Observatoriyanın yaranmasının 13-cü ildönümü ilə bağlı tədbirə dəvət olunub.
