“Qarabağ İnciləri” layihəsinin açılış mərasimi keçirilib.
Layihə Azərbaycan Respublikası Gənclər Fondunun maliyyə dəstəyi və Qarabağ Regional Gənclər və İdman İdarəsinin təşkilati dəstəyi ilə keçirilib.
Layihənin ilk tədbiri Bərdə şəhər Milli Qəhrəman Elgiz Kərimov adına 4 nömrəli tam orta məktəbdə keçirilib.
Tədbir torpaqlarımız uğrunda canından keçən şəhidlərimizin xatirəsinin bir dəqiqəlik sükutla yad edilməsi ilə başlayıb.
Tədbirdə iştirakçılara layihə rəhbəri Könül Vəliyeva tərəfindən “Qarabağ İnciləri” layihəsi haqqında məlumat verilib, məktəb direktoru Tofiqə Məmmədova layihənin həmin məktəbdə keçirilməsinin faydalılığı haqqında fikirlərini bildirmişdir. Qarabağ Regional Gənclər və İdman İdarəsinin Gənclərlə İş sektorun müdiri Orxan Fəxrəddinov dövlətin gənclər üçün yaratdığı imkanlardan danışıb, Mədəni İrsin Qorunması, İnkişafı və Bərpası üzrə Dövlət Xidmətinin Bərdə rayonu üzrə baş mütəxəssisi Sevinc Məmmədova Qarabağın tarixi, mədəniyyəti və abidələri haqqında, Qarabağ Regional Turizm İdarəsinin əməkdaşı Nigar Qurbanova Qarabağın turizm potensialı haqqında, Qarabağ Regional Gənclər və İdman İdarəsinin Bərdə üzrə Gənclər və İdman sektorunun müdiri Aydın Qasımov gənclərin Qarabağın iqtisadi inkişafında rolu haqqında məlumat veriblər. Sonda iştirakçıların sualları cavablandırılıb və Qarabağ tarixi abidələrini əks etdirən sənədli filmi izləyiblər.
