İlham Əliyevdən Ağdamın azad olunmasının 4-cü ildönümünə dair paylaşım – VİDEO
Bugün o gündür – Ağdam Günü
Azərbaycan Respublikasının Prezidenti İlham Əliyev sosial şəbəkələrdə Ağdamın erməni işğalından azad edilməsinin 4-cü ildönümü münasibətilə paylaşım edib. Dövlət başçısının bu paylaşımı xalqımızın qürur və zəfər hisslərini bir daha ön plana çıxarıb.
Prezident paylaşımında Ağdamın azad olunmasının Azərbaycan tarixində xüsusi bir yer tutduğunu vurğulayıb. Dövlət başçısı bu tarixi hadisənin ölkəmizin ərazi bütövlüyünün bərpası istiqamətində atılmış ən önəmli addımlardan biri olduğunu qeyd edib.
“Zəfərimizin simvolu: Ağdam”
Paylaşımda Ağdamın işğaldan azad olunması ilə bağlı xatirələrdən və bu bölgənin yenidənqurma proseslərindən də bəhs edilib. Prezidentin sözlərinə görə, Ağdam hazırda bərpa və quruculuq işləri ilə Azərbaycanın inkişaf edən bölgələrindən birinə çevrilməkdədir.
Bu gün Ağdam şəhəri təkcə azadlığın deyil, eyni zamanda Azərbaycanın qüdrətinin və yenidənqurma potensialının simvoludur. 4 il öncə əldə edilən bu zəfər, Azərbaycan xalqının iradəsi və gücü ilə mümkün olmuşdur.
Musavat.com xəbər verir ki, paylaşımda “Zəfər tariximiz – Ağdamın Ermənistan işğalından azad edilməsindən dörd il ötür” sözləri yer alıb.
