Aktyor Nicat Rəhimov mərhum dostu Azər Baxşəliyevlə bağlı duyğusal paylaşım edib.
Milli.Az xəbər verir ki, aktyor sosial şəbəkədə həmkarının videosunu paylaşaraq ürək sözlərini yazıb:
“Azərlə bağlı nəsə yazmaq mənim üçün hələ də çox ağırdır. Bir il keçməsinə baxmayaraq, bu gerçəyə inanmaq və qəbul etmək çox çətindir. Onun yoxluğunu dilə gətirmək belə insana düyün kimi oturur. Heç vaxt ağlıma gətirməzdim ki, bir gün ‘Azik, səni heç vaxt unutmayacağıq’ sözlərini yazacağam. Həyatın qanunu belədir, bir gün gəlirik, bir gün gedirik. Amma yenə də o cümlə var: “Ölməli adam deyildi”. Azik doğrudan da bu qədər tez getməli insan deyildi…”
Nicat Rəhimov sonda dostunu sevgi və ehtiramla anıb:
“Onu hər zaman məhəbbətlə xatırlayıram. Allah rəhmət eləsin, əziz qardaşım”.
Qeyd edək ki, Azər Baxşəliyev bu ilin yanvarında böyrək çatışmazlığı səbəbindən dünyasını dəyişib.
