Bu deputatlara vəzifə verildi – ADLAR
Milli Məclis daha 4 parlamentlərarası əlaqələr üzrə İşçi qruplarını formalaşdırıb.
Musavat.com-un məkumatına görə, parlamentin bu gün keçirilən plenar iclasında sözügedən məsələ ilə bağlı layihə müzakirəyə çıxarılıb. Deputat Nigar Arpadarainin təqdim etdiyi layihəyə əsasən, aşağıdakı parlamentlərarası İşçi Qruplarının formalaşdırılması təklif edilir:
Azərbaycan-Keniya parlamentlərarası İşçi Qrupu – Namazov Ramid Zakir oğlu;
Azərbaycan-Qambiya parlamentlərarası İşçi Qrupu – Qurbanov Eyvaz Daşdəmir oğlu;
Azərbaycan- Laos parlamentlərarası İşçi Qrupu – Paşayeva Gülşən Məmmədəli qızı;
Azərbaycan – Maldiv parlamentlərarası İşçi Qrupu – Allahverənov Azər Kərim oğlu.
Bundan əlavə, Azərbaycan – Nepal parlamentlərarası İşçi Qrupunda sədr postuna dəyişiklik edib. Belə ki, bundan sonra İşçi Qrupa Ramil Həsəninin yerinə Vasif Qafarov sədrlik edəcək.
Məsələ səsə qoyularaq qəbul edilib.
