Xəbər verdiyimiz kimi, “Qarabağ” UEFA Çempionlar Liqasında “Kopenhagen”ə 2:0 hesabı ilə qalib gəlib. “Qafaqazinfo”nun məlumatına görə, oyundan sonra “köhlən atlar” sevincini azarkeşlərlə birgə qeyd edib. Əməkdaşımız Xəyal Vəlizadənin lentə aldığı qələbə dəqiqələrini təqdim edirik:
Read More“Qarabağ”ın futbolçuları “Kopenhagen”dən çəkinməyiblər. “Report”un məlumatına görə, bunu “Qarabağ”ın baş məşqçisi Qurban Qurbanov mətbuat konfransında deyib. Təcrübəli mütəxəssis Bakıda Danimarka təmsilçisi “Kopenhagen”ə qalib gəldikləri (2:0) UEFA Çempionlar Liqasının əsas mərhələsinin II turunun oyunu ilə bağlı fikirlərini bölüşüb: “Futbolçuları və azarkeşləri təbrik edirəm. Bu gün meydanda birlikdə idilər. Gözəl qalibiyyət əldə etdik. Oyunçular rəqibdən çəkinmədilər, mübarizə apardılar. Bu cür mübarizə aparmaq qarşıdakı matçlarda faydalı olacaq. Rəqibimizə uğurlar arzulayıram. Onlar da yaxşı görürlər. Pozitiv komandadır”.
Read MoreAFFA prezidenti Rövşən Nəcəf “Qarabağ” klubunu UEFA Çempionlar Liqasının Liqa mərhələsinin II turunda Danimarkanın “Kopenhagen” klubu üzərində 2:0 hesablı qələbə qazanması münasibətilə təbrik edib. “Report” xəbər verir ki, Rövşən Nəcəf bu barədə sosial şəbəkə hesabında paylaşım edib. “UEFA Çempionlar Liqasının Liqa mərhələsinin II turunda Danimarkanın “Kopenhagen” komandası üzərində inamlı qələbə qazanan “Qarabağ” Futbol Klubu növbəti tarixi uğura imza atdı. Komandamızı ürəkdən təbrik edir, qarşıdakı oyunlarda yeni qələbələr diləyirəm”, – deyə o qeyd edib.
Read More“Qarabağ” komandasının baş məşqçisi Qurban Qurbanov ölkə xaricindən gələn təkliflər barədə çox düşünmür. “Report”un məlumatına görə, təcrübəli mütəxssis bu barədə mətbuat konfransında bildirib. O hər dövrün yaxşı baş məşqçiləri olduğunu söyləyib: “Ölkə xaricindən gələn təkliflər barədə çox düşünmürəm. Sadəlövh olmağa çalışmalıyıq. Avropa planları başqadır. Klubların öz ideyaları var. Bu gün ağlımda belə fikir olsa, komandanın inamı, uğuru, sistemi pozulacaq. Hələlik Azərbaycanımızdayıq”. Qeyd edək ki, “Qarabağ” UEFA Çempionlar Liqasının əsas mərhələsinin II turunda Danimarka təmsilçisi “Kopenhagen”i məğlub edib – 2:0.
Read More“Qarabağ” klubu UEFA Çempionlar Liqasının əsas mərhələsinin turnir cədvəlində altıncı pillədə qərarlaşıb. “Report”un məlumatına görə, bu, II turun oyunlarının nəticəsinə əsasən müəyyənləşib. Azərbaycan çempionu ilə yanaşı, Almaniyanın “Bavariya”, İspaniyanın “Real”, Fransanın PSJ, İtaliyanın “İnter” və İngiltərənin “Arsenal” komandasının da altı xalı var. Qeyd edək ki, II turda Bakıda Danimarkanın “Kopenhagen” kollektivini məğlub edən (2:0) “köhlən atlar” I turda Portuqaliyada “Benfika”nı 3:2 hesabı ilə üstələyib.
Read MoreBakıda “Qarabağ” və Danimarkanın “Kopenhagen” komandaları arasında təşkil olunan UEFA Çempionlar Liqasının əsas mərhələsinin II turunun oyunu başlayıb. Musavat.com-un məlumatına görə, Tofiq Bəhramov adına Respublika stadionundakı matç saat 20:45-də start götürüb. Qarşılaşmanı Niderlanddan olan FIFA referisi Serdar Gözübüyük idarə edir. Qeyd edək ki, “Qarabağ” Liqa mərhələsinin I turunda Portuqaliyada “Benfika”ya qalib gəlib – 3:2. “Kopenhagen” isə evdə Almaniyanın “Bayer 04” klubu ilə heç-heçə edib – 2:2.
Read More“Qarabağ” – “Kopenhagen” oyunu öncəsi azarkeşlərə sürpriz hazırlanıb Xəbər verdiyimiz kimi, sabah UEFA Çempionlar Liqasının əsas mərhələsinin ikinci turunda “Qarabağ” öz meydanında “Kopenhagen”lə qarşılaşacaq. ARANTV.AZ xəbər verir ki, oyun öncəsi azarkeşlər üçün xüsusi sürprizin təqdim olunacağı açıqlanıb. Bu barədə klubun sosial şəbəkə hesablarında məlumat paylaşılıb. Detallar açıqlanmasa da, “Qarabağ” rəhbərliyi azarkeşləri stadionda unudulmaz atmosferin gözlədiyini bildirib. Matç Bakı Olimpiya Stadionunda keçiriləcək. Musavat.com
Read More“Qarabağ”ın baş məşqçisi Qurban Qurbanov sabah Çempionlar Liqasının əsas mərhələsinin ikinci turunda “Kopenhagen”ə qarşı keçirəcəkləri oyundan öncə mətbuat konfransında çıxış edib. O, əvvəlcə matçla bağlı fikirlərini bildirib: “Sevindirici haldır ki, böyük turnirin Bakıda matçı olacaq. Həm sevincli, həm də həyəcanlıyıq, məsuliyyətimiz artıb. İlk oyun olduğu üçün üzərimizdə diqqət böyükdür. Azərbaycanın hər bölgəsindən azarkeşlər maraqlanır. Ciddi rəqibə qarşı oynayırıq. Hazırlaşmaq üçün vaxtımız az oldu. Sona qədər mübarizə aparacağıq”.
Read MoreBeynəlxalq Futbol Federasiyası (FIFA) penalti qaydalarını dəyişə bilər. Mənbənin məlumatına görə, penalti vuran futbolçulara top meydana qayıtdıqdan və ya qapıçının müdaxiləsindən sonra təkrar zərbə endirmək qadağan ediləcək. Eyni zamanda, qaydaların dəyişdirilməsinin hazırkı konsepsiyası topun qapı çərçivəsinə dəyəndən sonra nə ediləcəyini tənzimləmir. Qeyd olunur ki, bu qaydanın qüvvəyə minməsi üçün Beynəlxalq Futbol Assosiasiyaları Şurası (IFAB) tərəfindən təsdiqlənməli, daha sonra praktik sınaqdan keçirilməlidir.//Report
Read MoreGəncə şəhər stadionunda III MDB Oyunlarının açılış mərasimi keçirilib. Musavat.com xəbər verir ki, tədbirdə rəsmi qonaqlar, beynəlxalq idman təşkilatlarının nümayəndələri, idmançılar və tamaşaçılar iştirak ediblər. Mərasim Azərbaycan bayrağının arenaya gətirilməsi və Azərbaycanın Dövlət himninin səsləndirilməsi ilə başlayıb. Daha sonra tamaşaçıların alqış sədaları ilə iştirakçı ölkələrin idmançıları arenaya daxil olublar. Ardınca rəsmi çıxış üçün söz Milli Təşkilat Komitəsinin sədr müavini Samir Şərifova verilib. Arenaya toplaşan hər kəsi salamlayan S.Şərifov qonaqları qədim Azərbaycan torpağı olan Gəncə şəhərində görməkdən məmnun olduqlarını bildirib: “Açılışı Gəncə stadionunda keçirilən III MDB Oyunları idman əməkdaşlığının inkişafına, gənclərin sağlam…
Read More
