Şəhid hərbçimizin dəfn mərasimi keçirilir
Dünən Ermənistan silahlı qüvvələrinin bölmələrinin Azərbaycan-Ermənistan dövlət sərhədindəki təmas xəttində atəşkəs rejimini kobud surətdə pozması nəticəsində şəhid olan sərhədçimiz Fərzalı Fərzəliyevin dəfn mərasimi keçirilir.
ARANTV.AZ xəbər verir ki, F.Fərzəliyevlə doğulub böyüdüyü Ucarın Alpı kəndində vida mərasimi təşkil edilib. O, kənd qəbiristanlığında dəfn ediləcək.
Qeyd edək ki, Dövlət Sərhəd Xidmətinin (DSX) Mətbuat Mərkəzindən verilən məlumata görə, 2020-ci ilin 07 yanvar tarixində saat 14:56 radələrində Qazax rayonunun Quşçu Ayrım kəndi istiqamətində düşmən tərəfindən açılan snayper atəşindən sərhədçi əsgər Fərzəliyev Fərzalı Əlimövsüm oğlu şəhid olub.
Dövlət Sərhəd Xidmətinin rəisi general-polkovnik Elçin Quliyev və digər rəhbər vəzifəli zabitlər hazırda hadisə yerindədirlər, Hərbi Prokurorluq ilə birgə zəruri tədbirlər həyata keçirilir.Publika.az
