Çində koronavirusa yoluxanların sayı artıb
Çində ötən sutka ərzində yeni növ koronavirusa daha 22 nəfər yoluxub, koronavirusdan ölüm halı qeydə alınmayıb.
Trend-in “REN TV”yə istinadən verdiyi məlumata görə, bu barədə Çinin gigiyena və səhiyyə üzrə Dövlət Komitəsindən bildiriblər.
Bildirilir ki, yoluxma hallarından 21-i xaricdən gələn vətəndaşlarda qeydə alınıb. Xaricdən gələn Çin vətəndaşlarında qeydə alınan koronavirus hallarının sayı 1 660-a çatıb.
Son məlumatlara əsasən, Çində koronavirusa yoluxanların ümumi sayı 82 858 nəfərə çatıb. Onlardan 77 578 nəfəri sağalıb, 4 633 nəfəri isə dünyasını dəyişib.
