Ana baladan, bala anadan xəbərsiz dünyadan köçdülər – Döyüş meydanında 3 gün sağ qalan şəhidin ÜRƏK DAĞLAYAN HEKAYƏSİ -VİDEO
Vətən müharibəsində torpaqlarımızın azadlığı uğrunda canından keçərək qəhrəmacasına şəhidlik zirvəsinə ucalan igidlərimizdən biri də Həsən Abdullayevdir.
Qəhrəmanımız 1994-cü il iyunun 21-də Daşkəsəndə anadan olan Həsən Abdullayev Gəncədə 4 nömrəli tam orta məktəbdə təhsil alıb.
Hələ uşaq yaşlarından Vətənə olan sonsuz sevgisi, torpağa bağlılığı ilə seçilən Həsən Azərbaycan ordusunda MAHHXHQ əsgər olub.
Vətən müharibəsində şiddətli döyüşlər zamanı Həsən Abdullayev döyüş yoldaşlarının nəşinin yanında 3 gün sağ qalır. Daha sonra xüsusi təyinatlı dəstənin üzvləri onun sağ olduğunu görür və Həsən onlara qoşulub yenidən döyüşlərə davam edir.
Ötən il noyabrın 6-da Şuşa uğrunda gedən döyüşlərdə şəhid olan Həsənin anası oğlunun ölümündən 3 gün əvvəl onun fikriylə vəfat edir. Ana baladan, bala anadan xəbərsiz dünyadan köçür.
Elə son nəfəsində də dostuna “mənim hiss etdiyim ətri hiss etmirsən” deyən 26 yaşlı igidimiz gözlərini əbədi yumaraq müqəddəs şəhidlik dzirvəsinə ucalır.
Qeyd edək ki, Prezident İlham Əliyevin sərəncamları ilə “Vətən uğrunda”, “Kəlbəcərin azad olunmasına görə”, “Şuşanın azad olunmasına görə” medalları ilə təltif olunub. Allah rəhmət etsin.
