Qələbəmizin Simvolu Hərbi Qənimətlər Parkı

02.05.2021 Vüsal Rafiqoğlu

Tarixi olmayan bir dövlətin illərdir bizimlə torpaq iddiasında olması milli və mənəvi dəyərlərimizə göz dikməsi, torpaqlarımızı qəsb edərək xalqımıza qarşı törətmiş olduqları amansız terrorçuluq və vəhşilik bir daha Erməni dövlətinin nə qədər amansız, təcavüzkar və qətliamçı olduğunu sübut etdi.1988-ci illərdən bəri öz çirkin niyyətlərini önə sürərək əsassız torpaq iddialarına başlamışlar, və bunun nəticəsində 1990-cı ildən başlayaraq, Azərbaycan Ermənistan arasında İkinci Dağlıq Qarabağ Müharibəsi başlamışdır.Birinci Dağlıq Qarabağ müharibəsində torpaqlarımızın 20 faizi işğal olunmuşdur.30 ilə yaxın işğalçılıq siyasəti yeridən Ermənistan dövləti nəhayəti ki, Azərbaycan Dövlətinin ‘”Dəmir Yumruğu” ilə üzləşdi.2020-ci il 27 sentyabr tarixində Azərbaycan Respubilkası Silahlı Qüvvələrin Müzəffər Ali Baş komandanı cənab İlham Əliyevin başlatmış olduğu ‘”Dəmir Yumruq” əks –hücum əməliyyatı nəticəsində 30 ilə yaxın işğal altında qalmış torpaqlarımız sadəcə 44 gün ərzində rəşadətli Azərbaycan ordusunun şücaəti nəticəsində işğaldan azad edildi.

44 günlük şanlı qələbimizi yaşatmaq və gələcək nəsillərə ötürmək üçün Prezidentimiz cənab İlham Əliyev tərəfindən Hərbi Qənimətlər parkı yaradıldı. Cənab Prezident İlham Əliyevin təşəbbüsü ilə salınan və onun iştirakı ilə açılışı baş tutan Hərbi Qənimətlər Parkı ordumuzun Zəfər yolunun əbədi xatirəsidir. Park Dənizkənarı Milli Parkında yerləşir . Park Azərbaycan Silahlı Qüvvələrin İkinci Qarabağ müharibəsində qazandığı qələbəyə həsr olunub.

Parkda Ermənistan Silahlı qüvvələrinə məxsus olduğu bildirilən, Rusiya istehsallı tank, “Qrad ” qurğuları, top və digər müharibə texnikası nümayiş etdirilir. Azərbaycan prezidenti İlham Əliyevin “Qələbə” tvitləri, aparıcı media qurumlarına müsahibələr, xalqa müraciətlərdən ibarət hissələr Parkın ərazisindəki videozalda nümayiş etdirilir.

Parkın mühəndis-maneələr sistemini ehtiva edən ərazisində 5 metr enində, 3-4 metr dərinlikdə qazılan tank əleyhinə xəndək, mina sahəsi, tank əleyhinə beton dirəklər və metal kirpilər, alçaq dirəklər üzərində tikanlı məftildən tor, hündür dirəklərdə məftilli tor, piyada əleyhinə mina sahəsi, az nəzərə çarpan və üçcərgəli lent tipli məftil maneələri, həmçinin səngər üzərində lent tipli məftil maneələr nümayiş olunur. Bu maneələr sistemi Füzuli, Cəbrayıl, Ağdam, Tərtər və Goranboy istiqamətlərində Azərbaycan Silahlı Qüvvələri bölmələrinin dəf etməli olduğu mühəndis sistemlərindən idi.

Parkda döyüş postu və əsgər kazarması yerləşir. Kazarmanın yanında şəxsi heyətin artilleriya və hava hücumundan qorunması üçün zavod üsulu ilə hazırlanmış sığınacaqlar, döyüş mövqeyində atıcı, pulemyotçu, qumbaraatan səngərləri, uzunmüddətli atəş nöqtələri yerləşir.Həmçinin parkda Azərbaycan ərazisinə atılmış “İsgəndər-M” raketinin qalıqları da var.

Parkda müharibədə həlak olan yüzlərlə erməni əsgərinin dəbilqələri və Ermənistan Silahlı Qüvvələri qoşunlarının mum manikenləri nümayiş etdirilir.

Bu muzey xalqımız üçün Qələbə, Ermənistan üçün işğalın ağır nəticələrinin simvolu olacaqdır.