Yeznələr birləşib qayınata və qayınananı döydülər — Cəlilabadda
Cəlilabad rayonunda döyülmə hadisəsi baş verib.
ARANTV.AZ-ın Report-a istinadən verdiyi məlumatına görə, şəhər ərazisində qeydə alınan hadisə nəticəsində 1948-ci il təvəllüdlü Səfərov Əli Tərlan oğlu və 1953-cü il təvəllüdlü Səfərova Gülxas Əliheydər qızı döyülüb.
Xəsarət alan şəxslər xəstəxanaya çatdırılıb. Onlara müvafiq tibbi yardım göstərilib.
Məlumata görə, döyülən şəxslər ər-arvaddır və yeznələri tərəfindən döyülüblər.
Faktla bağlı araşdırma aparılır.
