YAP Bərdə rayon təşkilatı tərəfindən YAP-a yeni üzv olanlara üzvlük vəsiqələri təqdim edilmişdir.
Tarixi zərurətdən yaranan Yeni Azərbaycan Partiyasının xalqımızın amal və məqsədlərinin eyniliyi ilə Müzəffər Liderimiz cənab İlham Əliyevin ətrafında sıx birləşərək böyük Qalibiyyət və Zəfərlər qazanması onu əsl ümumxalq partiyasına çevirmişdir və nəticədə ona üzv olmaq istəyənlərin sayı durmadan artır. Xalqımız Qalib xalqın Qalıb Lideri cənab İlham Əliyevin uğurlu siyasəti ilə Cənubi Qafqazda siyasi arenanın bayraqdarı olan Yeni Azərbaycan Partiyasının sıralarında olmağı özünün şərəf və qürur işi hesab edir. Buna görə də YAP Bərdə rayon təşkilatından Yeni Azərbaycan Partiyasına üzv olanlar sayı daim artaraq yenilənir. Burada gənclərin, qadınların və ziyalıların say çoxluğu diqqət çəkir. “Konstitusiya və Suverenlik İli” çərçivəsində YAP-a yeni üzv olanlara üzvlük vəsiqələrini təşkilatın sədr müavini Elməddin Əsgərxanov və Aparatın məsləhətçisi Əlövsət Məmmədov rayon Gigiyena və Epidemiologiya Mərkəzində və rayon Mədəniyyət Mərkəzində təqdim etmişlər.
Yeni üzvləri bir daha ürəkdən təbrik edir və həyatda və siyasi fəaliyyətlərində uğurlar arzulayırıq!
