Ukrayna Macarıstana nota verdi
Ukrayna Xarici İşlər Nazirliyi Macarıstan səfirinə etiraz notası təqdim edib. Musavat.com xəbər verir ki, məlumatı X sosial şəbəkəsində Ukrayna Xarici İşlər Nazirliyinin başçısı Andrey Sibiqa açıqlayıb. Onun sözlərinə görə, nota Macarıstanın milliyyətcə macar olan, Ukrayna pilotsuz sistemlərin komandanı Robert Brovdinin Avropa İttifaqına girişinə qadağa qoyması ilə əlaqədar verilib: “Macarıstan səfiri Ukrayna Xarici İşlər Nazirliyinə çağırılıb. Ona Macarıstanın Ukraynadakı macar azlığına, xüsusən də əcdadlarının ölkəsinə girişi qadağan olunmuş macar əsilli müdafiəçimizə qarşı ayrı-seçkiliyə cavab olaraq etiraz notası təqdim edilib”.
Sibiqa Macarıstan hakimiyyətini “dost olmayan hərəkətlərdən çəkinməyə” və dövlətlər arasında konstruktiv dialoqu bərpa etməyə çağırıb. O, Kiyevin belə dialoqa açıq olduğunu vurğulayıb.
Musavat.com
