Xankəndi Dəmir Yolu və Avtovağzal Kompleksi ilə bağlı MÜHÜM AÇIQLAMA
Ağdam Dəmir Yolu və Avtovağzal Kompleksinin istifadəyə verilməsi, Bakı-Ağdam dəmir yolu xətti ilə sərnişin daşımalarına start verilməsi bu şəhərdə yeni həyatın göstəricisidir.
ARANTV.AZ xəbər verir ki, bu fikirləri “Azərbaycan Dəmir Yolları” QSC (ADY) sədrinin müavini Nicat Quliyev Bakı-Ağdam qatarının fəaliyyətə başlaması münasibətilə təşkil edilən tədbirdə bildirib.
O əlavə edib ki, bu reys Bərdə-Ağdam layihəsi çərçivəsində reallaşıb:
“Ağdam Dəmir Yolu və Avtovağzal Kompleksində ilk dəfə olaraq qapalı platformadan istifadə edilməsi mühüm əhəmiyyət kəsb edir. Bu platformanın uzunluğu 350 metrdir. İşğaldan azad olunmuş ərazilərdə bu marşrutun davamı olaraq Ağdam-Xankəndi layihəsi də həyata keçirilir. Xankəndi Dəmir Yolu və Avtovağzal Kompleksinin inşasının 2026-cı ilin sonuna qədər tamamlanması planlaşdırılır”.
