Məktəblər və yüzlərlə kəndin yolu bağlandı – GÜCLÜ QAR
Türkiyənin Van və Hakkari vilayətlərində dünən gecə başlayan güclü qar səbəbilə məktəblərdə bir günlük tətil elan edilib.
ARANTV.AZ xəbər verir ki, sözügedən ərazilərdə qarın qalınlığı 15 sm-ə çatıb. Mövcud hava şəraitinin bir neçə gün davam edəcəyi proqnozlaşdırılır.
Van vilayətində qar 359 kəndə gediş-gəlişi çətinləşdirib.
Büyükşehir və İpekyolu bələdiyyələrinin əməkdaşları səhər saatlarından etibarən yollarda təmizliyə başlayıb.
Dövlət qurumlarında çalışan fiziki məhdudiyyətlilər və hamilələr də bu günlük işdən azad edilib.Publika.az
