Tunis prezidenti fövqəladə vəziyyət rejimini altı ay uzadıb
Tunis prezidenti Kais Said ölkə daxilində fövqəladə vəziyyət rejimini altı ay uzatmaq haqqında fərman imzalayıb.
ARANTV.AZ Trend-ə istinadən bildirir ki, bu barədə ölkə başçısının mətbuat xidməti bildirib.
Məlumatda deyilir: “Prezident Tunis Respublikasında fövqəladə vəziyyət rejimini 30 may 2020-ci ildən başlayaraq altı ay müddətinə uzatmaq qərarına gəlib”.
Tunisdə fövqəladə vəziyyət rejimi 24 noyabr 2015-ci ildə, paytaxtın mərkəzində Daxili İşlər Nazirliyi və Turizm Nazirliyinin binaları yaxınlığında terror aktı törədildiyi zaman tətbiq edilib. Prezident mühafizəsi olan avtobusa intiharçı hücumu nəticəsində 13 nəfər ölüb, daha 20 nəfər yaralanıb.
