Prezidentin köməkçisindən karantin rejiminin yenidən sərtləşdirilməsi ilə bağlı VACİB AÇIQLAMA
“6 iyuldan ölkədə koronavirusa yoluxanların sayında müəyyən artım var. O artım ayın 13-də kütləvi şəklildə küçələrdə maskasız, məsafəsiz yürüş etməklə əlaqələndirilə bilər”.
ARANTV.AZ-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin İqtisadi məsələlər üzrə köməkçisi Şahmar Mövsümov bildirib.
Onun sözlərinə görə, Bakı küçələrində çəkilmiş şəkillərdən də sıxlıq aydın görünür:
“Belə hiss var ki, insanlar riski qəbul etmir. Hələ kafe və restoranlar açılmayıb. Hələ bu vəziyyətdə insanlar maskasız hərəkət edirlər. Bu, belə davam etməyəcək. Qısa zamanda yenidən bağlanmaya gedəcəyik. Hökumətin düzgün etmədiyini deyib, yükü qoymaq düzgün deyil. Məsuliyyətli olmaq lazımdır”.Oxu.Az
