Millət vəkilindən təklif: “Tibb Universitetinin tələbələri təhsil haqlarından azad edilsin”
Milli Məclisin iclasında deputat Məşhur Məmmədov Azərbaycan Tibb Universitetinin tələbələrinin təhsil haqlarından azad olunmasını təklif edib.
ARANTV.AZ xəbər verir ki, M.Məmmədov rayonlarda həkim kimi işləmək istəyən tələbələrin təhsil haqlarından azad edilməli olduğunu deyib.
O bildirib ki, rayonlarda həkim sayı çoxalmalıdır.
“Tibb Universiteti yaxşı təhsil verir. Yerli kadrlar klinikalarda yüksək maaşa iş tapırlar. Amma rayonlarda da həkim sayları artırılmalıdır”, – deyə M.Məmmədov əlavə edib. Oxu.Az
