Məcburi köçkünlər evlərinə qayıdanadək onların statusu qüvvədə qalacaq
İşğaldan azad edilmiş ərazilərdəki öz dədə-baba yurdlarına qayıdana qədər məcburi köçkünlərin statusu qüvvədə qalacaq.
ARANTV.AZ-ın məlumatına görə, bunu Milli Məclisin iclasında parlamentin Əmək və sosial siyasət komitəsinin sədri Musa Quliyev deyib.
O bildirib ki, məcburi köçkünlərin statusu hələlik ləğv edilməyib.
“Onların övladlarının təhsil haqqından azad edilməsi də hələ qüvvədədir. Bu imtiyazlar onlar öz dədə-baba yurdlarına qayıdana qədər davam edəcək”, – deyə M.Quliyev əlavə edib.
