Millimizin futbolçusu Almaniyada iki qol vurdu – VİDEO
Millimizin futbolçusu Dmitri Nəzərov Almaniya 2-ci Bundesliqasının VIII turunda Drezden “Dinamo”suna qol vurub.
ARANTV.AZ xəbər verir ki, onun çıxış etdiyi “Ertsqebirqe” Aue şəhərində “Dinamo”nu qəbul edib.
Görüş meydan sahiblərinin 4:1 hesablı qələbəsi ilə başa çatıb. Bu görüşdə start heyətdə yer alan Dmitri Nəzərov 79-cu dəqiqədə avstriyalı Dominik Vidra ilə əvəzlənib.
Buna qədər isə o, 27 və 39-cu dəqiqələrdə rəqib komandaya iki qol vurub. O, ilk qolda penaltidən fərqlənib.
Qeyd edək ki, “Ertsqebirqe” turnir cədvəlində 14 xalla IV sırada qərarlaşıb. oxu.az
