Bakıda şagird məktəbin 2-ci mərtəbəsindən yıxılıb – vəziyyəti ağırdır
Bakının Qaradağ rayonunda məktəbli 2-ci mərtəbədən yıxılıb.
ARANTV.AZ xəbər verir ki, hadisə Sahil qəsəbəsində yerləşən 273 saylı tam orta məktəbdə qeydə alınıb. Məktəbin şagirdi, 14 yaşlı Dmitri Dusin 2-ci mərtəbədən yıxılıb. Yaralı dərhal xəstəxanaya aparılıb. Reanimasiyaya yerləşdirilən D.Dusinə diz qapağının sınığı, qol sümüyünün sınığı və kəllə-beyin travması diaqnozu qoyulub.
Bakı şəhəri üzrə təhsil idarəsindən ONA-ya faktı təsdiqləyiblər. Bu barədə mətbuata açıqlama veriləcəyi bildirilib.
