Səbail rayonunda 2 nəfəri bıçaqlayan şəxs saxlanıldı
Ötən gün Səbail rayonu, Neftçilər prospektində qanlı hadisə qeydə alınıb.
ARANTV.AZ-ın məlumatına görə, Kənan İsgəndərov adlı şəxs Vüqar Cəfərov və Rövşən Məmmədrza oğlu İmamquliyevi bıçaqlayıb.
Yaralılar təcili olaraq Kliniki Tibbi Mərkəzə aparılıblar. Cərrahiyə əməliyatı olunan yaralıların vəziyyətləri orta-ağır kimi qiymətləndirilir.
Hadisəni törədən K.İsgəndərov isə 9-cu Polis Bölməsinin əməkdaşları tərəfindən saxlanılaraq istintaq şöbəsinə təhvil verilib.
Faktla bağlı Səbail RPİ-nin İstintaq şöbəsində cinayət məcəlləsinin qəsdən sağlamlığa ağır xəsarət yetirmə maddəsiylə cinayət işi başlanıb.
ölkə.az
