S-400 raket komplekslərinin Türkiyəyə göndəriləcəyi tarix açıqlandı
Rusiya istehsallı S-400 zenit-raket komplekslərinin Türkiyəyə göndəriləcəyi tarix açıqlanıb.
ARANTV.AZ trend-ə istinadən bildirir ki, “Rosoboroneskport” dövlət şirkətinin baş direktoru Aleksandr Mixeyev bildirib ki, S-400-lərin tədarükü razılaşdırılan müddət ərzində həyata keçiriləcək:
“Zenit-raket komplekslərinin Türkiyəyə təhvil verilməsinə 2019-cu ildə başlanılacaq”.
Xatırladaq ki, bir müddət əvvəl ABŞ Konqresi F-35 qırıcılarının 5-ci nəslinin Türkiyəyə tədarükünü dondurub. Buna səbəb kimi Ankaranın Rusiyadan S-400 zenit-raket komplekslərini almaq niyyəti göstərilib.
