Türkmənistanda yoluxucu xəstəlikdən müalicədən imtina edənləri həbs edəcəklər
Türkmənistanda təhlükəli infeksiyalardan müalicə olunmaqdan imtinaya görə həbs cəzası nəzərdə tutulub.
ARANTV.AZ Trend-ə istinadən bildirir ki, bu barədə ölkənin Cinayət Məcəlləsinə müvafiq dəyişikliklər edilib.
Dəyişikliklərə əsasən, yoluxucu xəstəliyi olduğunu bilə-bilə xəstəxananı tərk edən və ya digərlərinin yoluxması təhlükəsini yaradan şəxs iki il müddətinə azadlıqdan məhrum edilə bilər.
Yoluxma insan ölümünə səbəb olacağı təqdirdə isə cəza müddəti 5 ilədək artırıla bilər.Qeyd edək ki, Türkmənistanda bu günədək koronavirus yoluxma barədə rəsmi məlumat verilməyib.
