Azərbaycanda sadələşdirilmiş qaydada 30-dan çox bınanın istismarına icazə verilib
Bu günədək Azərbaycanda çoxmənzilli binaların istifadəsinə icazələrin verilməsinin sadələşdirilməsi barədə fərman çərçivəsində 30-dan çox bınanın istifadəsinə icazə verilib.
ARANTV.AZ Trend-ə istinadən xəbər verir ki, bunu jurnalistlərə Dövlət Şəhərsalma və Arxitektura Komitəsinin sədr müavini Dövlətxan Dövlətxanov deyib.
O qeyd edib ki, bu proses hazırda davam edir:
“Bu məsələ aktual olduğu üçün biz prosesləri sürətləndiririk”.
Sədr müavini vurğulayıb ki, icazə yalnız şəhərsalma norma və qaydalarına uyğun tikilmiş obyektlərə verilir. O əlavə edib ki, indiyədək normalara uyğun olmayan 400 obyekt aşkar edilib.
