Daxili İşlər Nazirliyi (DİN) bayram günlərində səfərə çıxan vətəndaşlara müraciət ünvanlayıb. Musavat.com xəbər verir ki, nazirliyin Mətbuat xidmətinin yaydığı müraciətdə deyilir: “Bayram günlərində paytaxtdan bölgələrimizə üz tutan, tətil ərəfəsində səfərə çıxan vətəndaşların sayında çoxluq müşahidə olunur. Bu isə yollarda nəqliyyat sıxlığının yaranmasına və qəzaların baş vermə ehtimalının artmasına səbəb olur. Arzuolunmaz hadisələrin qarşısını almaq və risklərdən sığortalanmaq üçün tətil günlərində daha diqqətli və məsuliyyətli olmaq, sadə qaydalara riayət etmək vacibdir. – Avtomobilin texniki sazlığını yoxlayın; – Günün erkən saatlarında yola çıxın; – Sərxoş və ya yuxulu halda sükan arxasına əyləşməyin;⁠ –…

Dekabrın 29-da Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə 31 Dekabr – Dünya Azərbaycanlılarının Həmrəyliyi Günü və Yeni il ərəfəsində uşaqlar üçün bayram şənliyi təşkil olunub. “İki sahil” xəbər verir ki, tədbirdə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, Bakı Media Mərkəzinin rəhbəri Arzu Əliyeva və Alena Əliyeva iştirak ediblər. Müxtəlif uşaq evlərində və internat məktəblərində tərbiyə alan, sağlamlıq imkanları məhdud və xüsusi qayğıya ehtiyacı olan uşaqlar üçün təşkil olunan şənliyin əsas məqsədi azyaşlılar üçün bayram əhvali-ruhiyyəsi yaratmaq, onlara…

Ağdərə rayonu ərazisində yerləşən “Talış”, “Kiçik Qarabəy” və “Həsənriz” radio-televiziya yayım stansiyalarının fəaliyyəti yenidən təmin olunub. Musavat.com xəbər verir ki, AZCON Holding-in tərkibinə daxil olan “Radioteleviziya yayımı və peyk rabitəsi” MMC tərəfindən həyata keçirilən işlər çərçivəsində sözügedən stansiyalar tam şəkildə bərpa edilərək istismara verilib. Məlumata görə, bərpa prosesi zamanı müasir texniki avadanlıqlar quraşdırılıb, yayım infrastrukturunun dayanıqlılığı və keyfiyyəti artırılıb. Bu addım bölgədə radio və televiziya yayımının əhatə dairəsinin genişləndirilməsinə, eləcə də informasiya təminatının gücləndirilməsinə xidmət edir. Qeyd olunur ki, Ağdərə rayonu ərazisində həyata keçirilən bu cür layihələr azad edilmiş ərazilərdə…

Fövqəladə Hallar Nazirliyi (FHN) 31 dekabr – Dünya Azərbaycanlılarının Həmrəylik Günü və Yeni il bayramı ilə əlaqədar gücləndirilmiş iş rejimində çalışacaq. “İki sahil” xəbər verir ki, bu barədə FHN-dən məlumat verilib. Bildirilib ki, bununla bağlı fövqəladə hallar naziri general-polkovnik Kəmaləddin Heydərovun imzaladığı əmrə əsasən, vətəndaşların həyat və fəaliyyətinin təhlükəsizliyinin təmin edilməsi, həyat təminatı və digər mühüm əhəmiyyətli obyektlərdə baş verə biləcək fövqəladə hadisələrə çevik reaksiya verilməsi, onların mümkün nəticələrinin operativ aradan qaldırılması işinin təşkili məqsədilə Nazirliyin aidiyyəti struktur bölmə və qurumlarına müvafiq tapşırıqlar verilib.

Şuşada yollar buz bağlayıb, avtomobildə olanlar köməksiz vəziyyətdə qalıb. Bu barədə Musavat.com-a Fövqəladə Hallar Nazirliyindən (FHN) məlumat verilib. Bildirilib ki, “112” qaynar telefon xəttinə Şuşa şəhərində yolların buz bağlaması səbəbindən vətəndaşların avtomobildə köməksiz vəziyyətdə qalması barədə məlumat daxil olub. Məlumatla əlaqədar əraziyə FHN-in Dövlət Yanğından Mühafizə Xidmətinin Şuşa şəhər Yanğından Mühafizə Hissəsinin yanğınsöndürən-xilasediciləri cəlb edilib. Yanğınsöndürən-xilasedicilər tərəfindən yolun buz bağlaması səbəbindən sürüşərək yol kənarında qalmış “Hyundai” markalı minik avtomobilinin hərəkəti təmin edilib və sərnişinlərinə müvafiq köməklik göstərilib.